Question 1

როდის იწყება რეგისტრაცია?

Accepted Answer

პროექტში რეგისტრაცია დაიწყო 2026 წლის 25 თებერვალს .

Question 2

როდის სრულდება რეგისტრაცია?

Accepted Answer

პროექტში რეგისტრაცია სრულდება 2026 წლის 15 აპრილს.

Question 3

როდის დავრეგისტრირდე პროექტში ?

Accepted Answer

ზოგადად პროექტში რეგისტრაცია
2026 წლის 25 იანვრიდან 2026 წლის 15 აპრილამდეა შესაძლებელი.

მაგრამ გაითვალისწინეთ, რომ სწრაფი რეგისტრაცია ნიშნავს ბევრ ბენეფიტს.

„ერუდიტი“ და „ისქული“ მხოლოდ რეგისტრირებულ მონაწილეებს შესთავაზებს ოლიმპიადის მსგავს ტესტირებებს, რომლებიც ეტაპობრივად სხვადასხვა საგანში და კლასში გამოქვეყნდება შემთხვევითობის პრინციპით.

შეიძლება ზოგიერთი საგნის ზოგიერთ კლასში ოლიმპიადის მსგავსი ტესტი საერთოდ არ გამოქვეყნდეს, მაგრამ თუ გამოქვეყნდება მასზე წვდომა მხოლოდ რეგისტრირებულ მონაწილეს ექნება.

ასე, რომ გაითვალისწინეთ სწრაფად დარეგისტრირდებით პროექტში გაზრდით თქვენს შანსებს.

Question 4

რომელი კლასის მოსწავლე შეუძლია რეგისტრაცია?

Accepted Answer

პროექტში მონაწილეობა შეუძლია მე-2 დან მე-10 კლასის ჩათვლით ნებისმიერ მოსწავლეს.  ზოგიერთ საგანში რეგისტრაცია იწყება სხვა კლასებიდან, რადგან დაბალ კლასებში ზოგიერთი საგანი ფიზიკურად არ ისწავლება.

რეგისტრაციის დროს, როდესაც აირჩევთ თქვენს კლასს სისტემა ავტომატურად შემოგთავაზებთ იმ საგნებს, რომელ საგნებშიც შეგიძლიათ რეგისტრაცია.

Question 5

პროექტი ხორციელდება მხოლოდ თბილისში თუ რეგიონებიდანაც შეიძლება რეგისტრაცია?

Accepted Answer

პროექტი ხორციელდება მთელი ქვეყნის მასშტაბით და რეგისტრაცია შესაძლებელია ნებისმიერი საჯარო და კერძო სკოლის მოსწავლისათვის.

Question 6

რამდენი შეკითხვა იქნება სულ და რამდენ ქულიანია ტესტი?

Accepted Answer

როგორც I,  ასევე II და III ტურის ტესტი მოიცავს 20 შეკითხვას.

ტესტის მაქსიმალური ქულა არის 100.

Question 7

რამდენი ქულაა საჭირო, რომ მონაწილე გადავიდეს შემდეგ ტურში?

Accepted Answer

II ტურში გადასასვლელად საჭიროა მონაწილემ I ტურში მიიღოს მინიმუმ 51 ქულა;

III ტურში გადასასვლელად საჭიროა მონაწილემ II ტურში მიიღოს მინიმუმ 76 ქულა;

Question 8

რამდენი წუთია განსაზღვრული ტესტზე სამუშაოდ?

Accepted Answer

როგორც I, ასევე II და III ტურში მოსწავლეს ტესტზე სამუშაოდ აქვს მაქსიმუმ 60 წუთი.

Question 9

რით განსხვავდება I ტური II ტურისგან?

Accepted Answer

I და II ტურები განსხვავდება ტესტის სირთულის მიხედვით:
I ტური არის შესარჩევი ეტაპი, II ტურთან შედარებით არის მარტივი;
II ტური არის ნახევარფინალი და ტესტის სირთულეც შესაბამისად იზრდება.

ასევე I და II ტურები განსხვავდება  შემდეგ ტურში გადასასვლელი ქულათა ბარიერით:
I ტურიდან II ტურში გადასასვლელად საჭიროა მინიმუმ 51 ქულა;
II ტურიდან III ტურში გადასასვლელად საჭიროა მინიმუმ 76 ქულა.
! სხვა ტიპის განსხვავება ტურებს შორის არ არის !

Question 10

რა ფორმატით ტარდება ოლიმპიადა?

Accepted Answer

ოლიმპიადა ტარდება საერთაშორისო საგამოცდო, შეფასებისა და გამოცდების პორტალი LMS ის გამოყენებით დისტანციურად.

Question 11

თუ გამოვლინდა გადაწერის შემთხვევა რა ხდება ამ შემთხვევაში?

Accepted Answer

ვიდეო-აუდიო დაკვირვებისას თუ გამოვლინდა ქულების არასამართლიანი გადანაწილება მონაწილე მოიხსნება სასკოლო ოლიმპიადიდან.
მონაწილეს დისკვალიფიკაციის შესახებ ეცნობება ელექტრონულად SMS და ელ-ფოსტის მეშვეობით.

Question 12

თუ მონაწილე არასამართლიანად მოიხსნა ოლიმპიადიდან რა ხდება ამ შემთთხვევაში?

Accepted Answer

მონაწილეს, რომელსაც დაუფიქსირდება ქულების არასამართლიანი მიღება (გადაწერა ან ა.შ) ეცნობება ელექტრონულად, თუ მონაწილე არ ეთანხმება შეფასებისა და მონიტორინგის კომისიას და თვლის, რომ არასამართლიანად არის მოხსნილი ოლიმპიადიდან, უფლება აქვს მიმართოს „ერუდიტის“ სააპელაციო ჯგუფს.

სააპელაციო ჯგუფი ინდივიდუალურად განიხილავს ყველა მონაწილის განცხადებას და 10 დღის განმავლობაში მტკიცებულებასთან ერთად წარუდგენს მონაწილეს ოლიმპიადიდან მოხსნის მიზეზს (როგორც იცით მიმდინარეობს ვიდეო-აუდიო მონიტორინგი),
სააპელაციო განაცხადის არ დაკმაყოფილების შემთხევაში კი სააპელაციო კომისია ვალდებულია ვიდეო-აუდიო ჩანაწერიდან მონაწილეს ანახოს ის ფრაგმენტი სადაც ფიქსირდება გადაწერის ან ქულების არასამართლიანი დაგროვების სხვა სახის მცდელობა.

თუ სააპელაციო კომისია მონაწილეს ვიდეო-აუდიო მტკიცებულებას არ წარუდგენს მონაწილის სააპელაციო განაცხადი ავტომატურად დაკმაყოფილებულია და მონაწილეს მოეხსნება დისკვალიფიცირებულის სტატუსი და გააგრძელებს ასპარეზობას პროექტში.

Question 13

სააპელაციო კომისიას მხოლოდ ოლიმპიადიდან მოხსნის თაობაზე შემილია მივმართო?

Accepted Answer

სააპელაციო კომისიას შეგიძლიათ მიმართოთ, როგორც ოლიმპიადიდან შესაძლო არასამართლიანი მოხსნის თაობაზე განცხადების გადასინჯვასთან დაკავშირებით, ასევე სააპლაციო კომისიას შეგიძლიათ მიმართოთ თუ არ ეთანხმებით „ისქულის“ ოლიმპიადაში დაფიქსირებულ შედეგს.

Question 14

რომელ ტურებში ხდება ვიდეო-აუდიო დაკვირვება?

Accepted Answer

ვიდეო-აუდიო დაკვირვება ხდება „ერუდიტის“ სასკოლო ოლიმპიადის სამივე ტურში.

Question 15

რეგისტრაციის გაუქმება:

Accepted Answer

რეგისტრაცია შეიძლება გაუქმდეს:
1) თუ მოსწავლე ან მისი მშობელი/კანონიერი წარმომადგენელი მოგვმართავს ვერიფიცირებული არხით და მოითხოვს რეგისტრაციის გაუქმებას.

2) რეგისტრაცია ასევე შეიძლება გაუქმდეს თუ დაფიქსირდა, რომ პროექტში მონაწილე არ იცნობს პროექტის წესებს და პირობებს.

3) ორგანიზაცია "ერუდიტი" უფლებას იტოვებს რეგისტრაცია გაუუქმოს მონაწილეს სხვა ინდივიდუალური მიზეზებიდან გამომდინარე, რომელზეც მონაწილეს ან მის მშობელს/კანონიერ წარმომადდგენელს ეცნობება აუცილებლად.

Question 16

რა პროგრამით უნდა შემოვიდე ტესტირებისას?

Accepted Answer

„ერუდიტის“ სასკოლო ოლიმპიადას არ სჭირდება რაიმე დამატებითი პროგრამა, შეგიძლიათ მობილურით ან კომპიუტერით მარტივად შემოხვიდეთ GOOGLE CHROME ის ან სხვა ინტერნეტ ბრაუზერის მეშვეობით.

წინასწარ მოგივათ საგამოცდო ლინკი.

Question 17

შემიძლია პროექტში ჩავერთო ტელეფონით?

Accepted Answer

ოლიმპიადაში მონაწილეობა შეგიძლიათ, როგორც კომპიუტერით, ასევე ტელეფონით, პლანშეტით, ლეპტოპით ან სხვა ნებისმიერი მოწყობილობით.
მთავარია მოწყობილობას ჰქონდეს მიკროფონი და კამერა.

Question 18

როგორ დავრეგისტრირდე პროექტში?

Accepted Answer

პროექტში რეგისტრაციისათვის დააკლიკეთ ღილაკს:

Question 19

წარმატებული მონაწილეები მიიღებენ საჩუქრებს?

Accepted Answer

კლასიდან 10 საუკეთესო შედეგის მქონე მონაწილე მიიღებს სხვადასხვა სახის საჩუქრებს.
პრიზების შესახებ დეტალური ინფორმაციისათვის დააკლიკეთ ღილაკს:

Question 20

როდის ჩატარდება ოლიმპიადა?

Accepted Answer

ოლიმპიადის განრიგის სანახავად გთხოვთ დააკლიკოთ ქვემოთ მოცემულ ღილაკს

Question 21

რა არის პროექტში რეგისტრაციის საფასური ?

Accepted Answer

1 საგნის ღირებულება პირველ ტურში შეადგენს 15 ლარს.
​
1 საგნის ღირებულება მეორე ტურში შეადგენს 20 ლარს.

III ტური არის სრულიად უფასო
​

Question 22

როგორ გამოვლინდებიან გამარჯვებულები?

Accepted Answer

სარეიტინგო სიის გამოქვეყნების წესი
სარეიტინგო სია გამოქვეყნდება კლასებისა და საგნების მიხედვით, ინდივიდუალურად.
სარეიტინგო სიის მთავარი კრიტერიუმი არის III ტურში მონაწილეების მიერ დაგროვებული ქულები.
თუ ორ ან მეტ მონაწილეს დაფიქსირდა იდენტური ქულა, გათვალისწინებული იქნება II და I ტურის შედეგები.
იმ შემთხვევაში, თუ მონაწილეებს კვლავ ერთნაირი ქულები დარჩათ და ქულების მიხედვით გამარჯვებულის გამოვლენა შეუძლებელი გახდა, ყურადღება მიექცევა III ტურში დახარჯულ დროს.
უპირატესობა მიენიჭება იმ მონაწილეს, რომელმაც III ტურის ტესტი სხვა მონაწილეებთან შედარებით უფრო სწრაფად დაასრულა.

ხშირად დასმული შეკითხვები